Кыргызстандын ЖӨБ мыкты тажрыйбаларынын Порталынын расмий бет ачары өткөрүлүүдө
Бул максатта өлкөнүн жети облусунда жалпысынан 15 жолугушуу өткөрүлөт.
Иш-чаралар 2020-жылдын 1-декабрынан 15-декабрына чейинки аралыкта өткөрүлөт.
Бул жолугушуулардын максаттары төмөнкүдөй:
- ЖӨБ органдарына ЖӨБ мыкты тажрыйбалар электрондук ресурсунун Порталын тартуулоо
- “Санарип аймакты” жайылтуу
- Жергиликтүү жамааттардын жана ЖӨБ органдарынын кызыкчылыгына тиешеси бар ЧУА долбоорлорун макулдашуу процессин тартуулоо
- ЖӨБ органдарына бюджет боюнча сунуштарды тартуулоо (бюджеттер аралык мамилелер)
Иш-чаранын уюштуруучулары:
- Кыргыз Республикасынын ЖӨБ Союзу,
- Кыргыз Республикасынын Өкмөтүнө караштуу ЖӨБ иштери жана этностор аралык мамилелер боюнча Мамлекеттик Агенттиги (ЖӨБЭММА),
- Швейцариянын Өнүктүрүү жана Кызматташуу Агенттиги (SDC) тарабынан каржыланган “Жергиликтүү деңгээлде кызмат көрсөтүүлөрдү жакшыртуу” жана "Элдин үнү жана ЖӨБ органдарынын жоопкерчилиги: бюджеттик процесс" долбоорлору
- Өнүктүрүү саясат институту
Иш-чарага каржылык колдоо көрсөткөн тараптар:
- Швейцариянын Өнүктүрүү жана Кызматташуу Агенттиги (SDC) тарабынан каржыланган жана БУУӨП тарабынан аткарылган «Жарандардын активдүү катышуусундагы күчтүү парламенттик демократия» долбоору
- Швейцариянын Өнүктүрүү жана Кызматташуу Агенттиги (SDC) тарабынан каржыланган жана Хельветас Свисс Интеркооперейшн жана Өнүктүрүү саясат институту тарабынан ишке ашырылып жаткан “Жергиликтүү деңгээлде кызмат көрсөтүүлөрдү жакшыртуу” Долбоору
- Швейцария өкмөтү тарабынан Швейцариянын Өнүктүрүү жана Кызматташуу Агенттиги (SDC) аркылуу каржыланган жана Өнүктүрүү саясат институту тарабынан ишке ашырылып жаткан “Элдин үнү жана ЖӨБ органдарынын жоопкерчилиги: бюджеттик процесс” Долбоору
Жер-жерлерде өткөрүлүүчү жолугушуулар тууралуу толук маалыматка шилтеме: http://myktyaimak.gov.kg/events