2018-2020-жылдарда Кыргыз Республикасында Ачык Өкмөттү куруу боюнча улуттук иш-аракеттер планы бекитилди
КЫРГЫЗ РЕСПУБЛИКАСЫНЫН ӨКМӨТҮНҮН БУЙРУГУ
Бишкек шаары, 2018-жылдын 16-октябры № 360-б
"Ачык Өкмөт" өнөктөштүгүнүн алкагында Кыргыз Республикасы кабыл алган милдеттенмелерди ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык:
- 2018-2020-жылдарда Кыргыз Республикасында Ачык Өкмөттү куруу боюнча улуттук иш-аракеттер планы (мындан ары - Иш-аракеттер планы) тиркемеге ылайык бекитилсин.
- Кыргыз Республикасынын министрликтери, мамлекеттик комитеттери жана административдик ведомстволору:
- бир айлык мөөнөттө Иш-аракеттер планына киргизилген милдеттенмелерди ишке ашыруу боюнча деталдуу ведомстволук иш-аракеттер пландарын иштеп чыгышсын;
- Иш-аракеттер планын белгиленген мөөнөттө аткарууну камсыз кылышсын;
- Кыргыз Республикасынын Өкмөтүнүн 2018-жылдын 27-июнундагы № 226-б буйругу менен бекитилген Ачык Өкмөттүн Улуттук форумунун иш-аракеттер планын аткаруунун жүрүшү боюнча маалыматты квартал сайын, отчеттук мезгилден кийинки айдын 15инен кечиктирбестен берип турушсун.
- Ушул буйруктун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.
Кыргыз Республикасынын Премьер-министри
М.Абылгазиев