• Биринчи бет -
  • Жаңылыктар -
  • Долбоордун Ош облусундагы максатуу деп табылган өнөктөш муниципалитеттери үчүн атайын окутуулар

Долбоордун Ош облусундагы максатуу деп табылган өнөктөш муниципалитеттери үчүн атайын окутуулар

Долбоордун Ош облусундагы максатуу деп табылган өнөктөш муниципалитеттери үчүн атайын окутуулар

15-16-май күндөрү Ош шаарында “Жергиликтүү маанидеги маселелер боюнча ЖӨБ органдарынын чечим кабыл алуу процессинде жергиликтүү жамааттын артыкчылыктарын эсепке алуу моделин жайылтуу” деген темада иш-чара өтөт.

Бул иш-чара Швейцария өкмөтү тарабынан каржылап, Өнүктүрүү саясат институту Кыргыз Республикасында 2012-жылдан тарта аткарып келе жаткан “Элдин үнү жана жергиликтүү өз алдынча башкаруу органдарынын жоопкерчилиги: бюджеттик процесс” Долбоорунун алкагында уюштурулган.

Эки күн аралыгында өтүүчү бул иш-чарага Долбоор март айынан тарта иш баштаган облустун максаттуу 10 айыл аймактарынын өкүлдөрү (айыл өкмөт башчылары, айылдык кеңештин төрагалары жана Долбоордун координаторлору) катышат: 

  • Өзгөн району: Ак-Жар жана Жазы айылдык аймактары
  • Кара-Суу району: Шарк жана Кызыл-Суу айылдык аймактары
  • Ноокат району: Кок-Жар жана Гулистан айылдык аймактары
  • Араван району: Маңгыт айылдык аймагы
  • Алай району: Бүлөлү айылдык аймагы
  • Чоң-Алай району: Чоң-Алай айылдык аймагы 
  • Кара-Кулжа району: Ылай-Тала айылдык аймагы

Катышуучуларга:

  • ЖӨБ органдарынын чечимдерди кабыл алуу процессинде жарандардын катышуусун камсыздоо чөйрөсүндө КР мыйзамдарынын талаптары.
  • ЖӨБО чечим кабыл алуу процессине жарандардын катышуусунун модели: ЖМБА, Демилгелүү топтор, БМжБ тобу.
  • ЖӨБ органдарынын ишинин ачык-айкындуулугу.
  • Долбоордун алкагында өткөрүлө турган конкурстар тууралуу.
  • Финансыны башкаруу: ЖӨБ органдарынын жергиликтүү жамаат алдындагы отчеттуулугу.
  • Максаттуу муниципалитеттерде иш-чараларды пландоо жана уюштуруу.
  • Маалымат алмашуу чөйрөсүнүн өнүгүү келечеги: муниципалдык сайт, маалыматтык бюллетень, жамааттык мультимедиа борборло (ЖМБ).
  • Инвестицияларды калктын артыкчылыктарына ылайык пландоо. Чакан гранттар программасы

ж.б. темалар Долбоордун адистери тарабынан тартууланат.

Версия для печати: print

Иш-чаралар

  • Коомдук угууларды өткөрүү үчүн көмөкчү материалдар

    2018-жылдын май-июнь айларынын аралыгында Ош, Нарын жана Чүй облустарында өткөрүлгөн атайын тренингдердин катышуучулары үчүн, бюджет долбоорун талкуулоого арналган коомдук угууларды уюштуруу жана өткөрүү үчүн көмөкчү материалдар.

Конкурсы